Jismoniy madaniyat fakulteti

Jismoniy madaniyat fakulteti haqida

Jismoniy madaniyat fakulteti dastlab 2019-yil 27-avgustda institut kengaytirilgan kengashining 1-son qaroriga asosan Sport va chaqiriqqacha harbiy fakulteti sifatida tashkil etilgan. Keyinchalik, 2023-yil 27-oktabrdagi 01-242-son buyrug‘iga binoan u rasman Jismoniy madaniyat fakulteti deb o‘zgartirildi. Fakultet Toshkent viloyati, Chirchiq shahar, Bobur ko‘chasi 22-uyda, Chirchiq davlat pedagogika universiteti, 5-binoda joylashgan.

Bugungi kunda fakultetda jami 2276 nafar talaba turli ta’lim shakllarida tahsil oladi:

• 743 nafar kunduzgi ta’lim asosida.
• 13 nafar magistratura ta’lim yo‘nalishlarida.
• 1432 nafar sirtqi ta’lim (2-OT) yo‘nalishi asosida.
• 88 nafar kechki ta’limda.

Fakultetning professor-o‘qituvchilar jamoasi 40 nafar xodimdan iborat, shu jumladan:

• 1 nafar fan doktori, professor.
• 12 nafar fan nomzodi, dotsent.

Fakultet quyidagi yo‘nalishlarda bakalavriat va magistratura dasturlarini taklif etadi, talabalar kunduzgi, sirtqi, kechki va magistratura shakllarida bilim olishlari mumkin:

• 60111200 - Jismoniy madaniyat (jismoniy madaniyat va xotin-qizlar sporti).
• 60112300 - Texnologik ta’lim.

Fakultetning maqsadi va vazifalari

Fakultet missiyasi: Ta’lim sifati barqarorligini pozitsion yangi bosqichma-bosqich sari rivojlantirish.

Fakultet maqsadi:

• Pedagogik ta’limni innovatsion klaster yondashuvida yangi bosqich sari yuksaltirish natijasida professional pedagog kadrlarni tayyorlash.
• Professional sifatli ta’lim, yetakchi ilmiy tadqiqot, fan va innovatsiya hamda jamiyat bilan raqamlashgan o‘zaro aloqador fakultetga erishish.
• Ta’lim yo‘nalishlarini xalqaro ta’lim andozalariga mos ravishda modernizatsiyalashdan iborat.