Kafedra haqida Turizm kafedrasi 2021-yil 23-avgustda Chirchiq davlat pedagogika universiteti Kengashining 1-sonli yig‘ilishida O‘zbekiston Respublikasi Vazirlar Mahkamasining 2021-yil 14-apreldagi 213-sonli qaroriga asosan tashkil etilgan "Turizm" fakulteti tarkibiga kiradi. Dastlab "Umumkasbiy va ixtisoslik fanlari" kafedrasi nomi bilan faoliyat boshlagan bo‘lsa, Chirchiq davlat pedagogika universiteti Kengashining 2024-yil 29-avgustdagi 1-sonli kengaytirilgan qarori bilan nomi "Turizm" kafedrasiga o‘zgartirildi va hozirda shu nom bilan faoliyat yuritmoqda. Kafedra Chirchiq davlat pedagogika universiteti, 4-bino, 306-xonada joylashgan.
Ta’lim yo‘nalishlari 2021-2022 o‘quv yilidan boshlab, yangi Turizm fakulteti tarkibida kunduzgi va sirtqi ta’limda quyidagi 4 ta yo‘nalish bo‘yicha jami 125 nafar (har biriga 25 nafardan) kvota ajratilgan:
- 61010100 - Mehmonxona xo‘jaligini tashkil etish va boshqarish
- 61010400 - Turizm (faoliyat yo‘nalishlari bo‘yicha)
- 61010500 - Gid hamrohligi va tarjimonlik faoliyati (tillar bo‘yicha)
- 61010600 - Turizm sohasida xizmatlar texnologiyasi va ularni tashkil etish
Kafedraning Maqsadi va Vazifalari Turizm kafedrasining asosiy maqsadi va vazifalari yuqori malakali mutaxassislarni tayyorlashdan iborat. Asosiy maqsadlarimiz:
- Turizm sohasida bilimlar va malakaga ega bo‘lgan yuqori malakali mutaxassislarni tayyorlash.
- Talabalarni turizm sohasidagi zamonaviy tendensiyalar va innovatsiyalar bilan tanishtirish.
- Turizm sohasidagi ilmiy-tadqiqotlarni rivojlantirish, o‘quv-uslubiy materiallarni yaratish.
Vazifalari:
- Turizm sohasida ilmiy-amaliy tadqiqotlar olib borish, milliy va xalqaro turizmni rivojlantirishdagi yo‘nalishlarini o‘rganish.
- Turizm bo‘yicha malaka oshirish kurslarini tashkil etish, tajribali mutaxassislar bilan hamkorlik o‘rnatish.
- Talabalarni o‘qitish jarayonida ilmiy va amaliyotga yo‘naltirilgan metodikalarni joriy etish.
- Turizm sohasidagi iqtisodiy, madaniy va ijtimoiy omillarni tahlil qilish va ularga asoslanib turizmni rivojlantirish uchun takliflar ishlab chiqish.
- Talabalarga mehmonxonalar faoliyati bilan tanishtirish.
- Talabalarga turizm sohasidagi amaliy ko‘nikmalarni shakllantirish uchun turizm kompaniyalari va tashkilotlari bilan hamkorlikda stajirovka va amaliyotlarni tashkil etish.
- Zamonaviy raqamli platformalar va texnologiyalardan foydalanish orqali turizmni rivojlantirish, onlayn xizmat ko‘rsatish va elektron turizmning yangi yo‘nalishlarini o‘rganish.
- Turizm kafedrasi turizmning madaniy, tarixiy va milliy meros bilan bog‘liq yo‘nalishlarida tadbirlar tashkil etish, talabalarni mahalliy va xalqaro madaniy merosga oid masalalarda qiziqtirish.
