Usarov Jabbor Eshbekovich

                                             Jabbor Usarovning ish faoliyati haqida umumiy ma’lumotlar

Usarov Jabbor Eshbekovich 1968 yil 20 aprelda Samarqand viloyati Nurota tumanida ziyolilar oilasida tug‘ilgan. 

1985 yilda Samarqand viloyati Qo‘shrabot tumanidagi o‘rta maktabni bitirib, 1985-1986 yillarda Toshkent davlat universiteti (ToshDU) fizika fakultetiga kunduzgi bo‘limiga o‘qishga kirgan. 

1986-88 yillarda harbiy xizmatni o‘tagan.

1988-1993 yillarda ToshDU fizika fakulteti kechki bo‘limida tahsil olgan.

Mehnat faoliyatini 1989 yilda Toshkent shahar qurilish boshqarmasida duradgor lavozimidan boshlagan.

1991-1993 yillarda Toshkent irrigatsiya va meloriatsiya institutining fizika kafedrasi lobaranti;

1993-1996 yillarda Samarqand viloyati Qo‘shrabot tumanidagi 34-o‘rta maktabning fizika-matematika fani o‘qituvchisi;

1996-2006 yillar Toshkent irrigatsiya va melioratsiya instituti qoshidagi akademik liseyda  fizika o‘qituvchisi;

2006-2013 yillarda Toshkent davlat yuridik instituti qoshidagi akademik liseyning o‘quv ishlari  bo‘yicha direktor o‘rinbosari;

2013-2014 yillarda Toshkent davlat texnika universiteti qoshidagi 3-son akademik lisey direktori;

2014 –2015 yillarda  “news-ARENA”  gazetasi bosh muharriri;

2015-2017  yillarda TDPU, katta ilmiy xodim-izlanuvchisi;

2017-2018 yillarda TDPU, fizika kafedrasi o‘qituvchisi;

2018-2019 yillarda TDYU huzuridagi akademik liseyda bo‘lim boshlig‘i;

2019 yil sentyabr oyidan Toshkent viloyati Chirchiq pedagogika instituti Pedagogika fakulteti dekani lavozimida ishlab kelmoqda.

Ta’lim sohasidagi xizmatlari uchun 2001 yilda “O‘rta maxsus, kasb-hunar ta’lim a’lochisi”, 2011 yilda “O‘zbekiston Mustaqilligiga 20 yil”, 2014 yilda “Xalq ta’limi a’lochisi”, 2022 yilda “Konstitutsiyaning 30 yilligi” ko‘krak nishonlari bilan taqdirlangan.

2005 yilda “Akademik liseylarda fizika ta’limi samaradorligini oshirish jihatlari” mavzusida nomzodlik dissertatsiyasini himoya qilgan.

2001 yilda Janubiy Koreya Respublikasida,  2004 yilda Malayziyada, 2023 yilda Indoneziya, 2025 yilda Turkiyada malaka oshirib qaytgan.

     2019 yilda “Tayanch va fanga oid kompetensiyalar asosida ta’lim mazmunini takomillashtirish va o‘quvchilar kompetentligini rivojlantirish” mavzusida doktorlik dissertatsiyasini himoya qilgan.

            Faoliyati davomida 150 ga yaqin ilmiy-uslubiy ishlari chop etilgan.

                 Umumta’lim maktablarining 8-, 9-, 10- va 11- sinf o‘quvchilari uchun fizika darsliklari  mualliflari.