Chirchiq davlat pedagogika universiteti Xodimlar bo‘limi O‘zbekiston Respublikasi Prezidentining 2017 yil 27 iyuldagi PQ-3152-sonli qaroriga muvofiq tashkil etilgan. Bo‘lim universitet rektoriga bo‘ysunadi va inson resurslarini boshqarish, xodimlar bilan ishlash, ularni baholash va rivojlantirish bo‘yicha keng ko‘lamli faoliyat yuritadi. Bo‘lim xodimlarni ishga qabul qilish, lavozimga tayinlash, boshqa ishga o‘tkazish yoki ishdan ozod qilish bo‘yicha hujjatlarni rasmiylashtiradi, mehnat daftarchalarini yuritadi, buyruqlarni tayyorlaydi va barcha mehnat munosabatlariga oid jarayonlarni nazorat qiladi. Xodimlarning malakasini oshirish, attestatsiyadan o‘tkazish va kasbiy salohiyatini aniqlash ishlari ham ushbu bo‘lim zimmasiga yuklangan. Shuningdek, bo‘lim diplom, guvohnoma va ilovalarni rasmiylashtirish, davlat tashkilotlari va huquqni muhofaza qiluvchi organlardan kelgan so‘rovlarga javob tayyorlash, ish yuritish, ijro intizomini ta’minlash kabi vazifalarni ham bajaradi. Universitetdagi barcha fakultet va bo‘limlar bilan hamkorlikda ishlaydi.