Yusupova Muxabbat Anatolevna — Talabalarning individual xususiyatlarini inobatga olgan holda, ularda ingliz tiliga bo‘lgan qiziqishni oshirish, mustaqil ta'lim olishga undash, ijodiy fikrlash va tilning madaniy jihatlarini anglashga yordam beruvchi bilimli, tajribali, fidoiy ustoz, yetuk mutaxassisdir.
Biografik maʼlumotlar
Yusupova Muxabbat Anatolevna —1975-yil 15-iyulda Toshkent viloyati Yuqorichirchiq tumanida tug‘ilgan. 1997-yilda O‘zbekiston davlat jahon tillari universitetini muvaffaqiyatli tamomlagan. Hozirda Chirchiq davlat pedagogika universiteti Turizm fakulteti Lingvistika va ingliz tilini o'qitish metodikasi kafedrasining mudiri lavozimida faoliyat yuritadi.
Yusupova Muxabbat Anatolevna - o'zining mehnat faoliyati davomida bir nechta
tashkilotlarda faoliyat yuritgan.
1992-1997 y - O‘zbekiston davlat jahon tillari universiteti talabasi
1997-2012y - O‘zbekiston davlat jahon tillari universiteti Ingliz tili tarjima nazariyasi va
amaliyoti kafedrasi o‘qituvchisi
2012- 2013 y - Toshkent viloyati Yuqori Chirchiq tumani 6-umumta’lim maktabi ingliz tili fani
o’qituvchisi
2013- 2017 y - Toshkent viloyati xalq ta'limi xodimlarini qayta tayyorlash va ularning
malakasini oshirish instituti Til va adabiyot ta'limi kafedrasi katta o‘qituvchisi
2017- 2018 y - Toshkent viloyati Chirchiq davlat pedagogika instituti Tillar kafedrasi ingliz
tili fani o‘qituvchisi
2018-2022 y - Toshkent viloyati Chirchiq davlat pedagogika instituti Ingliz tili kafedrasi
mudiri vazifasini bajaruvchisi
2022-2023 y - Chirchiq davlat pedagogika universitetining Ingliz tili kafedrasi mudiri
2023-yil - Chirchiq davlat pedagogika universitetining Lingvistika va ingliz tilini o‘qitish
metodikasi kafedrasi mudiri
Yusupova Muxabbat Anatolevnaning ilmiy izlanishlari ingliz tilini o‘qitish metodikasi, tilshunoslik va elektron ta’lim resurslariga qaratilgan. U ingliz tilini integrativ o‘qitishda diskurs xususiyatli elektron resurslardan foydalanish metodikasi ustida tadqiqotlar olib bormoqda.
Ilmiy qiziqishlari quyidagilarni o‘z ichiga oladi:
Nashr etilgan o‘quv-uslubiy qo‘llanmalar
Intercultural communication, 2020
Darslik globallashuv davrida, turli millat vakillari bilan ishlay olish, o‘qiy olish; ingliz tili faqat til emas, balki madaniy ko‘prik vazifasini bajarishi; Xatolardan, tushunmovchiliklardan saqlanish va insonlar o‘rtasida do‘stona muhit yaratish uchun o‘z va boshqa xalqlar madaniyatini, urf-odatlarini, qadriyatlarini tan olish va tushunish, madaniy farqlarga qaramasdan samarali aloqa o‘rnatish ko‘nikmalari, turli madaniy muhitlarda o‘zini erkin tuta bilish va moslasha olish qobiliyati kabi jarayonlarni o‘rganishni o‘z ichiga olgan.
History of English and American Literature, 2022
Buyuk Britaniyada yaratilgan adabiy asarlarni hamda Amerika Qo‘shma Shtatlarida yaratilgan milliy tarix, ijtimoiy ziddiyatlar va shaxsiy erkinlik mavzulariga boy asarlarni o‘zida mujassam etuvchi darslikdir. Uning tarixi anglo-sakson davridan (Beowulf) boshlanadi va Shekspir, Choser, Osten, Dikkens, Vulf kabi klassik yozuvchilar orqali boyitilib borilgan. Mo‘'tadil davr (Renaissance)dan XX asr modernizmigacha o‘z ichiga qamrab olgan.
Darslik
Methodology of Teaching Foreign Languages with Educational Games, 2022
Darslik o‘quv jarayonida o‘yin elementlarini qo‘llash orqali talabalar yoki o‘quvchilarda til ko‘nikmalarini shakllantirish va rivojlantirishga qaratilgan uslubiy yondashuvni o‘z ichiga qamrab olgan.
Reading and Writing Practice
O’quv qo’llanma matnni tushunish, axborotni saralash, tahlil qilish, xulosa chiqarish, turli matnlarda o‘qish strategiyalaridan to‘g‘ri foydalana olish hamda yozish turlari (xatlar (rasmiy va norasmiy), qisqa parchalar (paragraph writing), maqola va esselar, hisobotlar)da yozma ravishda aniq, izchil va grammatik to‘g‘ri bayon qila olish kabi ko‘nikmalarni rivojlashtirish maqsadida tayyorlangan.
Darslik
Country Study, 2024
Darslik ingliz tilini o‘rganish jarayonida talabalarning madaniy, siyosiy, ijtimoiy, geografik va tarixiy bilimlarini boyitishga qaratilgan. Bu ta'limiy resurs til o‘rganuvchining nafaqat til bilimini, balki madaniyatlararo muloqot qobiliyatini ham shakllantiradi.
• Darslik
Written and Oral Translation Competence, 2024
- Darslik bo‘lajak mutaxassisni yozma matnni bir tildan boshqa tilga ma'nosi va uslubini saqlagan holda to‘g‘ri tarjima qila olish qobiliyati hamda nutqni eshitish, anglash va to‘g‘ri sinxron yoki izohli tarjima shaklida qila olish qobiliyatlarini shakllantirish va rivojlantirish uchun zarur bo‘lgan bilim, ko‘nikma va mahoratlar majmuasidir. U nafaqat til bilimini, balki madaniyatlararo muloqot, sohaga oid bilim va tezkor fikrlash qobiliyatini ham o‘z ichiga oladi.
- Monografiyalar
Bo’lajak ingliz tili o’qituvchilarini loyiha texnologiyasidan foydalanishga o’rgatish metodikasi, 2024
Monografiya pedagogik ta'limda, xususan, ingliz tili o‘qituvchilari tayyorlovi jarayonida loyiha texnologiyasi (project-based learning)dan samarali foydalanishning metodik asoslari, nazariy va amaliy yondashuvlarini qamrab olgan ilmiy-tadqiqot asari hisoblanadi.
