Pulatova Dilfuza Azamkulovna 1978-yil 23-mayda Toshkent viloyati Chirchiq shahrida ishchi oilasida tug‘ilgan. 1993-yilida Chirchiq sharidagi 11-umumiy o‘rta ta’lim maktabini a’lo baholarga tamomlagan. 1997 yilda Chirchiq tibbiyot bilim yurtini "Hamshiralik ishi", 2005-yilda Nizomiy nomidagi Toshkent davlat pedagogika universitetini “Defektologiya” ta’lim yo‘nalishi bo‘yicha muvaffaqiyatli bitirgan. 2020-yilda Chirchiq davlat pedagogika universitetining “Maxsus pedagogika: surdopedagogika” mutaxassisligi bo‘yicha magistraturaga o‘qishga kirib, 2022-yilda shu mutaxassislikni tamomlab magistr akademik darajasini olgan. 2022-yildan bugungi kungacha Chirchiq davlat pedagogika universiteti “Maxsus pedagogika” kafedrasida pedagoglik faoliyatini olib borish bilan birga professor F.U.Qodirova qo‘l ostida “Zamonaviy ta'lim shakllari(Inklyuziv ta'lim, aralash ta'lim)” mavzusida ilmiy tadqiqot ishlarini olib borgan va yuqori natijalarga erishgan. Pulatova Dilfuza Azamkulovna tomonidan shu kunga qadar 50dan ziyod ilmiy ishlari chop etilgan, jumladan 4 ta darslik, 3 ta o‘quv qo‘llanma va 2 ta monografiyaning muallifi hisoblanadi. 2023 yilda Qodirova Feruzaxon Usmanovna bilan hammualliflikda nashr etilgan “Inkluziv ta'lim:nazariya va amaliyot” darsligi Oliy ta'lim, fan va innovatsiyalar vazirligi tomonida o‘tkazilgan “Eng yaxshi darslik” ko‘rik tanlovining respublika bosqichida faxrli 1-o‘rinni egallagan. https://lib.cspu.uz/index.php?newsid=9997
1998-2002 yy. - Toshkent viloyati Chirchiq shahri 24-MTM hamshirasi 2002-2004 yy. - Toshkent viloyati Chirchiq shahri 24-MTM tarbiyachisi 2004-2005 yy. - Toshkent viloyati Chirchiq shahri 24-MTM mudira v.b. 2005-2019 yy. - Toshkent viloyati Chirchiq ijtimoiy-iqtisodiy kolleji o‘qituvchisi 2019-2021-yy. - Toshkent viloyati Chirchiq shahri 8-MTM logopedi 2021-2022-yy. - Toshkent viloyati Chirchiq shahri 30-DKTIMTT defektologi 2022-yil - h.vq. - Chirchiq davlat pedagogika universiteti o‘qituvchisi
Pulatova Dilfuza Azamkulovnaning umumiy ish staji - 25yil, pedagogik staji - 20 yilni tashkil etadi. Uning inklyuziv va maxsus ta’lim sohasiga qo‘shgan ilmiy, amaliy va ijtimoiy hissasi yuqori baholanadi.
Pulatova Dilfuza Azamkulovna Maxsus pedagogika fanlari bo‘yicha mutaxassis, yuqori malakali pedagog. Pedagogik faoliyati davomida talabalarda nazariy bilim va amaliy ko‘nikmalarni rivojlantirishga qaratilgan innovatsion metodlarni joriy etadi. Zamonaviy ta’lim texnologiyalari, jumladan, aralash ta’lim (blended learning), raqamli ta’lim muhitini yaratish va logopedik korreksion metodlarni tatbiq etish bo‘yicha tajribaga ega. O‘quv jarayonini samarali tashkil qilish, ilmiy-tadqiqot ishlari olib borish, metodik qo‘llanmalar yaratish va talabalarning ilmiy izlanishlariga rahbarlik qilishda faol ishtirok etadi.
O‘quv mashg‘ulotlari davomida quyidagilardan samarali foydalanadi:
Interfaol metodlar: Aqliy hujum, Klaster, Insert, Fishbone, Case-study, Debat, Role Play, Bumerang, Grafik organayzerlar.
Ilmiy faoliyati natijalari:
2025-yil 2-iyul kuni Chirchiq davlat pedagogika universiteti huzuridagi ilmiy darajalar beruvchi Phd.03/27.09.2027.Ped.82.03. raqamli ilmiy kengashda “Aralash ta'lim sharoitida maxsus pedagogika yo‘nalishi talabalarini tadqiqotchilik faoliyatiga tayyorlash texnologiyalari” mavzusidagi 13.00.03-Maxsus pedagogika ixtisosligi bo‘yicha pedagogika fanlari bo‘yicha falsafa doktori ilmiy darajasini olish uchun tayyorlagan dissertatsiya ishini himoya qilgan.
Tadqiqot yo‘nalishlari:
-inkluziv ta’lim,
-maxsus pedagogik metodlar,
-logopediya sohasida zamonaviy korreksion texnologiyalar,
-oliy ta’limda raqamli didaktika.
Talabalarning ilmiy-tadqiqotchilik faoliyatiga rahbarlik qiladi, 20dan ortiq talabalar bilan hammualliflikda 30ga yaqin maqola va tezis nashr ettirgan, talabalarning bitiruv malakaviy ishlariga rahbarlik qilgan.
