Kafedraning tashkil etilgan yili va rivojlanish tarixi Lingvistika va ingliz tilini o‘qitish metodikasi kafedrasi Toshkent viloyati Chirchiq davlat pedagogika instituti Kengashining 2019-yil 28-avgustidagi 1-sonli qaroriga muvofiq "Gumanitar fanlar" fakulteti tarkibida “Xorijiy tillar” kafedrasi sifatida tashkil etilgan. 2021-yil 23-avgustidagi 1-sonli bayonnomasiga muvofiq "Turizm" fakulteti tarkibiga “Ingliz tili” kafedrasi sifatida o’tkazildi. Nihoyat, 2023-yil 27-oktabrdagi 5-sonli bayonnomasiga muvofiq "Lingvistika va ingliz tilini o’qitish metodikasi" kafedrasi nomi bilan mustaqil kafedra sifatida ajralib chiqdi. Hozirda kafedrada 17 nafar professor-o‘qituvchilar, jumladan, 9 ta asosiy shtatdagi, 5 ta ichki-o’rindosh va 3 ta tashqi-o’rindosh o‘qituvchi faoliyat olib bormoqda. Ulardan 1 nafar professor, 3 nafar dotsent va 3 nafar katta o‘qituvchilar mavjud. Kafedraga p.f.f.d., dotsent Yusupova Muxabbat Anatolevna rahbarlik qilmoqda.

Kafedraning maqsadi va vazifalari Kafedraning missiyasi – taʼlim landshaftida boʼlajak ingliz tili oʼqituvchisi imidjini yaratishdan iborat. Kafedraning strategik maqsadi – xalqaro standartlarga mos kela oladigan va global maydonda raqabatbardosh boʼla oladigan kadrlar tayyorlashdan iborat.

Ta’lim yo‘nalishlari va o‘quv dasturlari Kafedra bakalavriat va magistratura bosqichida ta’lim beradi.

• Bakalavriat yo‘nalishi:
  • 60110900 – Xorijiy til va adabiyoti (Ingliz tili) Ushbu bakalavriat dasturi zamonaviy lingvistika, tarjimashunoslik va ingliz tilini o‘qitish metodikasini chuqur o‘rganishga yo‘naltirilgan. Talabalar nafaqat til bilimlarini mukammal egallaydilar, balki ingliz adabiyoti, madaniyati va tarjima amaliyoti bo‘yicha ham keng bilimga ega bo‘ladilar.
  • 3-kurs bakalavriat o’quv dasturi
  • 4-kurs bakalavriat o’quv dasturi
• Magistratura mutaxassisligi:
  • 70110901 – Xorijiy til va adabiyoti (Ingliz tili) Ushbu magistratura mutaxassisligi talabalarni zamonaviy tilshunoslik, adabiyotshunoslik, lingvodidaktika va tarjimashunoslik sohalarida chuqur ilmiy bilim va amaliy ko‘nikmalarga ega bo‘lishga tayyorlaydi. Dastur chet tilini o‘qitish metodikasi, ilmiy tadqiqotlar olib borish usullari hamda kasbiy faoliyatga yo‘naltirilgan yondashuvni qamrab oladi.
  • 1-kurs magistratura o’quv dasturi
  • 2-kurs magistratura o’quv dasturi

Ilmiy-tadqiqot sohalari va loyihalar Lingvistika va ingliz tilini o‘qitish metodikasi kafedrasi zamonaviy tilshunoslik, lingvodidaktika va tarjimashunoslik sohalarida ilg‘or ilmiy tadqiqotlar olib boradi. Kafedra professor-o‘qituvchilari va tadqiqotchilari xalqaro ilmiy hamjamiyat bilan hamkorlikda fundamental va amaliy tadqiqotlar ustida ishlashadi. Asosiy ilmiy yo‘nalishlar:

• Zamonaviy lingvistika va matn tahlili:
  • Korpus lingvistikasi va sun’iy intellekt asosida til tadqiqotlari
  • Semantika va pragmatika tadqiqotlari
• Lingvodidaktika va chet tillarni o‘qitish metodikasi:
  • Innovatsion pedagogik texnologiyalar va interfaol o‘qitish usullari
  • Masofaviy ta’lim va multimediya texnologiyalarining samaradorligi
• Ilmiy faoliyat va akademik yozuv:
  • Ilmiy maqola yozish va akademik yozuv metodologiyasi
  • Ilmiy tadqiqot metodlari va amaliyoti

Asosiy ilmiy-tadqiqot loyihalari:

• Til va madaniyat o‘zaro ta’siri: Ingliz tili va milliy tillar o‘rtasidagi lingvistik hamda madaniy aloqalarni tadqiq qilish.
• Innovatsion lingvodidaktika: Zamonaviy texnologiyalar yordamida chet tillarni o‘qitish samaradorligini oshirish usullari.
• Korpus lingvistikasi va sun’iy intellekt: Tilshunoslikda sun’iy intellekt texnologiyalarining qo‘llanilishi bo‘yicha tadqiqotlar.
• Akademik yozuv va ilmiy diskurs: Ilmiy matnlarni tahlil qilish, akademik yozuv qoidalari va tadqiqot metodologiyasini rivojlantirish.

Kafedrada olib borilayotgan ilmiy tadqiqotlar lingvistika va pedagogika sohasida innovatsion yondashuvlarni rivojlantirishga qaratilgan bo‘lib, ilmiy maqolalar, monografiyalar va xalqaro ilmiy loyihalar orqali o‘z natijalarini namoyon etmoqda. Kafedra ilmiy faoliyat bilan shug‘ullanuvchi barcha izlanuvchilar uchun keng imkoniyatlar yaratadi.